تطبيق الدكتور

من نحن؟

مافيش بيت في مصر إلا بيفكر ألف مرة قبل ما ياخد قرار عشان يروح للدكتور عشان يكشف و ده نتيجة ساعات الإنتظار الطويلة و عدم توافر الحجوزات في بعض الأحيان، ده غير الزحمة اللي بتاخد من وقتنا عشان نروح للدكتور أساسا. و بتظهر المعاناه الأكبر عند كبار السن و اللي بيعانوا من تعب في القلب أو كسر في العظام علي سبيل المثال.

و من هنا جت فكرة تطبيق الدكتور اللي بيوصل الدكتور لحد عندك و ده من خلال فريق طبي محترف و فيه تخصصات مختلفة و فريق آخر من الممرضين و أخصائيين علي أعلي مستوي. و كمان التطبيق بيوفرلك شبكة من معامل التحاليل و مراكز الأشعة اللي هيجولك لحد عندك, بمعني ان معمل التحاليل هيبعتلك حد عشان يسحب العينه و مركز الأشعه عنده أجهزه محمولة بتخليه يعمل الاكس راي و الأشعه التليفزيونية و الإيكو و الدوبلر في مكان المريض.